Нацыянальны акадэмічны тэатр імя Я. Купалы

   9 красавіка 2017 года навучэнцы курса 1-9 у рамках працы гуртка “Спадчына” наведалі Нацыянальны акадэмічны тэатр імя Я. Купалы і праглядзелі спектакль “Чорная панна Нясвіжа”.

    Вось ужо чатыры стагоддзі ў замку старажытнага Нясвіжа з’яўляецца прывід маладой жанчыны. Згодна легенды – гэта блукае пакутлівая душа недарэчна загубленай Барбары Радзівіл. Драматычная паэма Аляксея Дударава напісана на аснове аднаго з самых рамантычных паданняў пра трагічнае каханне беларускай магнаткі Барбары Радзівіл і польскага караля Жыгімонта.

   Відовішчны і пачуццёвы спектакль сцвярджае, што галоўнае ў жыцці – захаваць здольнасць да вялікіх пачуццяў і вялікіх учынкаў.

   Спектакль быў узнагарожданы дыпломам “За лепшы спектакль беларускай драматургіі” (2001 г.). Рэжысёр – Валерый Раеўскі.

    Рэкамендуем усім ажыццявіць прагляд даннага спектакля.