17 чэрвеня 2016 года ў Юрыдычным каледжы адбылася сустрэча навучэнцаў 1 курса з літаратуразнаўцам Анатолем Леанідавічам Вераб’ём. Ён вядомы як адзін з самых адданых даследчыкаў творчасці Уладзіміра Караткевіча і як кіраўнік выдання Збору твораў Пісьменніка ў дваццаці пяці тамах, дванаццаць з якіх ужо пабачылі свет. Шаноўны госць захоплена распавёў пра неардынарнасць і шматграннасць асобы Уладзіміра Сямёнавіча, як паэта, празаіка, драматурга, нарысіста і перакладчыка, пра творчую гісторыю яго асобных раманаў і аповесцяў. Гаворка выклікала асаблівую зацікаўленасць навучэнцаў, якія акурат гэтымі чэрвеньскімі днямі па праграме знаёмяцца з шэдэўрамі майстра мастацкага слова — аповесцю «Дзікае паляванне караля Стаха» і раманам «Каласы пад сярпом тваім». Анатолю Леанідавічу было зададзена шмат пытанняў, на якія ён даў кампетэнтныя адказы. У арганізацыі сустрэчы чынны ўдзел брала супрацоўніца бібліятэкі каледжа Семеняга Юлія Генадзьеўна, намаганнямі якой быў аформлены стэнд з выданнямі Пісьменніка. Відавочная карысць ад сустрэчы не толькі ў яе інфарматыўнасці, але і ў справе патрыятычнага выхавання навучэнцаў, якія павінны стаць не толькі прафесійнымі юрыстамі, але і неабыякавымі грамадзянамі Беларусі, якія непавярхоўна ведаюць яе гісторыю і культуру.
в 11.00 в ауд. 409
состоится день открытых дверей
КОНТАКТЫ
Юридический колледж БГУ,
ул. Комсомольская, 21
г. Минск, Беларусь, 220030
Тел/факс: +375 (17) 397 12 82
Email: college@bsu.by