“Чорная панна Нясвіжа”

    20 мая 2015 года навучэнцы курса 1.9 наведалі Нацыянальны акадэмічны тэатр імя Я. Купалы, дзе праглядзелі міфічную легенду пра каханне Аляксея Дударава “Чорная панна Нясвіжа”. Гэты спектакль – своеасаблівы варыянт Рамэо і Джульеты, які стаў легендай гісторыі кахання польска-літоўскага караля Сігізмунда Аўгуста і прыгажуні-дваранкі, маладой удавы Барбары Радзівіл. У цэнтры драмы – сутыкненне магучага рамантычнага  кахання з фанатызмам дзяржавы і дваром каралевы Боны Сфорцы, маці Сігізмунда Аўгуста. У абумоўлены рэальнымі гістарычнымі абставінамі канфлікт драмы, дзе гучыць і тэма гістарычнага лёсу Вялікага княства Літоўскага, аўтар уключае барацьбу герояў за прынцыпы гуманізму, за правы сваёй асобы, паўнату свайго жыцця.