Конкурс тэатралізаваных прадстаўленняў «Неўміручая класіка»

21 лютага свет адзначае Міжнародны дзень роднай мовы. Напярэдадні свята ў каледжы прайшоў ужо традыцыйны конкурс тэатралізаваных прадстаўленняў «Неўміручая класіка». Мерапрыемства мела на мэце падкрэсліць ролю беларускай мовы, літаратуры і культуры ў сучасным свеце.

Калектывы прадставілі свае інтэрпрэтацыі класічных твораў беларускай літаратуры. Журы ўлічвала адпаведнасць жанру, артыстызм, каманднае ўзаемадзеянне, арыгінальнасць сцэнарыя і мастацкую выразнасць выступаў.

Па выніках мерапрыемства намінацыя «Гран-пры» прысуджана камандзе 395 групы. Дыпломы І ступені атрымалі калектывы 295 і 595 груп, група 195 узнагароджана дыпломам ІІ ступені, а 495 група была адзначана дыпломам ІІІ ступені.

У намінацыі «Лепшая жаночая роля» перамагла Бароўская Соф’я, прыз за лепшую мужчынскую ролю атрымала Свібовіч Паліна, а за лепшае выкананне ролі другога плана была ўзнагароджана Палхоўская Надзея.