Канферэнцыя «Вайна ў лёсе маёй сям’і і маёй краіны»

17 красавіка ў рамках тыдня гісторыі члены гісторыка-патрыятычнага факультатыва «Спадчына» правялі  канферэнцыю «Вайна ў лёсе маёй сям’і і маёй краіны», якая была прысвечана 80-годдзю вызвалення Беларусі ад нямецка-фашысцкіх захопнікаў.

Навучэнцы паведамілі цікавыя гісторыі пра ўдзел сваіх родных і блізкіх у Вялікай Айчыннай вайне. Многія з іх былі франтавікамі, іншыя ўдзельнічалі ў падпольных арганізацыях, змагаліся з фашыстамі ў партызанскіх атрадах. Надзвычай цяжкі лёс выпаў тым сваякам нашых навучэнцаў, якім давялося пазнаць працу гастарбайтараў, працаваць у нямецкіх гаспадароў, пабываць у нямецкім палоне.

Вельмі ўразілі нас выступленні Шчурэвіч Ксеніі, Ліпніцкай Дар’і і Усовіч Ганны. Удзельнікі канферэнцыі дэманстравалі фотаздымкі, ўзнагароды (ордэны і медалі), паштоўкі і іншыя каштоўныя рэчы, якія засталіся на памяць аб сваяках -  удзельніках Вялікай Айчыннай вайны.

Выступленні навучэнцаў паказалі, што ў многіх беларускіх семьях захоўваюць і шануюць памяць аб ветэранах Вялікай Айчыннай вайны, якія ратавалі нашу зямлю ад захопнікаў і дзякуючы якім мы сёння жывем у мірнай краіне.

Матэрыял падрыхтавала кіраўнік гісторыка-патрыятычнага факультатыва «Спадчына» Доўнар Т.І.