Вандроўцы з ЮК БДУ

Члены гісторыка-патрыятычнага факультатыва “Спадчына” здзейснілі  экскурсію па цэнтру горада Мінска. Пад час экскурсіі ўсіх вельмі ўразіў помнік мінскім падпольшчыкам, які ўсталяваны ў скверы на тым месцы, дзе гітлераўцы забівалі савецкіх патрыётаў ў гады Вялікай Айчыннай вайны.Непадалёку стаіць легендарны танк Т-34, які па праву лічаць сімвалам вызвалення Мінска. Таксама падарожнікіпазнаёміліся з гісторыяй Цэнтральнай плошчы, Аляксандроўскага скверу; даведаліся пра ўстаноўлены ў гонар пуску першай лініі вадаправода ў Мінску помнік “Хлопчык, які абдымае лебедзя”. Экскурсаводы групы 193 и 293 падрыхтавалі і правялі экскурсію для групы 493.

Таксама навучэнцы наведалі Дом-музей Iз’езда РСДРП, які быў адчынены ў 1923 годзе. Экспазіцыя музея ўяўляе сабой гісторыю з’езда расійскай сацыял-дэмакратычнай партыі. У музеі адноўлены інтэр’ер мемарыяльнаго пакою, у якім адбываўся з’езд. У гады Вялікай Айчыннай вайны будынак быў разбураны і адноўлены у 1948 годзе.

Па дарозе ў музей вандроўнік пазнаёміліся з гісторыяй ўсталявання манумента на плошчы Перамогі, подзвігам і памятнікам Марату Казею, пагутарылі з камандзірам роты ганаровай варты.

Матэрыял падрыхтавала кіраўнік па ваенна-патрыятычнаму выхаваннюТ.І.Доўнар