Праект «Люблю мой край - старонку гэту…»

Членамі гісторыка-патрыятычнага гуртка «Спадчына»у пачатку красавіка  быў праведзены праект «Люблю мой край – старонку гэту…».

Навучэнцы падрыхтавалі цікавыя расказы, эсэ, прэзентацыі пра сваю малую Радзіму. Вельмі цікавым было паведамленне Аўтахавай Лізаветы пра яе родны паселак «Чысць», які знаходзіцца ў 19 км ад г. Маладзечна.

Пра самае загадкавае месца краіны, вёску Гальшаны і легенду аб Гальшанскім замку нам расказала Праўко Юлія.

Руіны замкаў, касцёлы і манастыры, аўтэнтычная забудова, жудасныя легенды ад мясцовых і запар імёны з падручнікаў па гісторыі Беларусі. У Гальшанах знаходзіцца той самы «чорны замак Альшанскi»- магутнае радавое гняздо князёў Гальшанскіх, а пасля - Сапегаў.

У Віцебскай вобласці есць горад Глыбокае, аб якім нам расказала Юлія Круглая. У Глыбокім да дня беларускай пісьменнасці адкрылі алею славы знакамітых землякоў, дзе можна ўбачыць помнікі Язэпу Драздовічу, Вацлаву Ластоўскаму, Ігнату Буйніцкаму і інш. Кожны год у горадзе праходзіць міжнароднае свята «Вішневы фестываль» і выпускаюць вядомыя цукеркі «Журавіны ў цукру».

Пасля расказаў навучэнцаў, нам усім захацелася пабываць на іх малой Радзіме, каб пабачыць усе сваімі вачыма. Праект працягваецца далей і мы запрашаем усіх жадаючых далучыцца да яго.

«Любіце сваю святую зямлю аддана і да канца. Іншай вам не дадзена, дый непатрэбна» (У. Караткевіч).

Матэрыял падрыхтавала кіраўнік гісторыка-патрыятычкага гуртка «Спадчына»Доўнар Т.І.