Экскурсія ў музей Янкі Купалы.

22 лютага 2023 года навучэнцы 1-га курса, члены гісторыка-патрыятычнага гуртка “Спадчына” наведалі Дзяржаўны літаратурны музей Я. Купалы. Там іх чакала цікавая і змястоўная экскурсія аб жыцці і дзейнасці знакамітага паэта.

Музей Я. Купалы – гэта адзін са старэйшых музеяў Беларусі. Ён быў заснаваны 25.05.1944 года. Супрацоўнікі музея збіраюць, даследуюць і захоўваюць спадчыну Янкі Купалы. Экспазіцыі музея знаёмяць з цікавымі старонкамі жыцця і творчасці паэта, яго ўкладам у літаратурнае і культурнае развіццё краіны. У музеі захоўваецца 51823 экспанатаў. Найбольш каштоўныя з іх – гэта аўтографы, прыжыццёвыя выданні, асабістыя рэчы паэта і яго сям’і. Стваральнікам і першым дырэктарам музея была заслужаны дзеяч культуры БССР Уладзіслава Луцэвіч. Зараз музей Янки Купалы мае 4 філіялы: «Вязынка», «Ляўкі», «Акопы», «Яхімошчына» - і ўваходзіць у Еўрапейскі каталог музеяў.

Навучэнцам пашанцавала прысутнічаць на адкрыцці сумеснай выставы “Ураджай друкаванага слова”, арганізаванай Дзяржаўным літаратурным музеем і Нацыянальнай бібліятэкай Беларусі. Наведвальнікі павандравалі разам зЯнкам Купалай па старонках беларускага друку 1922 года.