Гісторыка-літаратурная гасцёўня

10 лістапада 2022 года у рамках працы гуртка “Спадчына” была праведзена  гісторыка -літаратурная гасцёўня “Уладары Вялікага Княства Літоўскага”, прысвечаная году гістарычнай памяці.

“Уладары Вялікага княства”…  Так называлі сябе магнаты сярэдневяковай беларускай дзяржавы - Вялікага Княства Літоўскага. Багацце і палітычная ўлада дазвалялі ім пачуваць некаранаванымі ўладарамі гаспадарства, і справамі сваімі яны былі роўныя манархам.

Навучэнцы падрыхтавалі паведамленні пра самых яскравых асоб беларускай гісторыі перыяду ВКЛ, з удзелам якіх адбываліся  ўсе важнейшыя падзеі таго часу.  Яны героі нашага мінулага і здзяйсняльнікі вялікіх спраў. У пантэоне беларускай славы яны займаюць пачэснае месца.

Некаторыя выступленні навучэнцаў вяліся  ад першай асобы. Таксама гурткоўцы падрыхтавалі сачыненні-разважанні на тэму “Ці было залатое стагоддзе ў гісторыі культуры ВКЛ”. У заключэнні была праведзена “Свая гульня” па вызначанай тэме. 

Кіраўнік па ваенна-патрыятычнаму выхаванню Т.І. Доўнар