Тыдзень беларускай мовы. Дзень другі

20 верасня ў межах Тыдня беларускай мовы навучэнцы 1 курса прагледзелі відэафільмы пра знакамітых беларусаў, майстроў слова - Францыска Скарыну і Максіма Танка. Пасля прагляду адбылося эмацыйнае абмеркаванне ўбачанага, навучэнцы падзяліліся сваімі ўражаннямі.

А для дапытлівых і апантаных у чытальнай зале праходзяць дзве шыкоўныя выставы. Выстава "Сэрцам роднага слова краніся" складаецца з найноўшых дапаможнікаў і даведнікаў па беларускай мове і дазваляе ўбачыць актуальнасць і запатрабаванасць беларускай мовы ў сучасным жыцці краіны. Выстава ж "Майстры слова" дапаможа даведацца шмат цікавага, новага і нечаканага пра так, здавалася б, знаёмых з заняткаў па літаратуры пісьменнікаў - Уладзіміра Караткевіча, Якуба Коласа, Янку Купалу, Васіля Быкава і іншых. Навучэнцы ўжо праяўляюць непадробную цікавасць да экспанатаў. З матэрыяламі можна будзе азнаёміцца на працягу тыдня.

Інфармацыю падрыхтавала старшыня цыклавой камісіі сацыяльна-гуманітарных дысцыплін Хадасевіч Г.М.