Тыдзень беларускай мовы. Дзень першы

19 верасня 2022 года ў Юрыдычным каледжы БДУ распачаўся Тыдзень беларускай мовы. Навучэнцы 1 курса падрыхтавалі віншавальныя паштоўкі, у якіх прызналіся ў любові да роднай мовы і выказалі свае пажаданні ёй - быць вядомай і актуальнай, квітнець і ўзбагачаецца. У навучэнцаў атрымалася напоўніцу выразіць свае адносіны да беларускай мовы, а таксама праявіць свае творчыя здольнасці.

Навучэнцы 2 і 3 курса падзяліліся сваімі любімымі беларускімі словамі. У выніку атрымаліся два цудоўныя воблакі слоў, якія прадэманстравалі не толькі багацце і прыгажосць беларускай мовы, але і тое, што цікавіць навучэнцаў канкрэтнага курса.

Інфармацыю падрыхтавала старшыня цыклавой камісіі сацыяльна-гуманітарных дысцыплін Хадасевіч Г. М.